Xanımları istənilən mövsümdə əl çantasız təsəvvür etmək qeyri-mümkündür. Hər mövsümün öz çantası, hər çantanın isə öz mövsümü var. Mövsümlə bağlı hər çantanın öz rəngi var. 

Əl çantası xanımların özləri ilə daşıdığı bir aləm və bir gözəllik dünyasıdır. 

Tanınmış modelyerlərdən biri çox düzgün deyib: “Xanımın əl çantasını əlindən  almaq,  gözəlliyini almağa bərabərdir.”

Xanımların çantalarında müxtəlif ətirlər, kosmetik toplular, aksessuarlar, zinət əşyaları və xanımın sirli-sehirli daha nələri-nələri. Belə çıxır ki, əl çantaları xanımların doğurdan da ən sadiq yol yoldaşı, rəfiqəsidir. Ancaq belə rəfiqələri  seçəndə də çox ehtiyatlı olmaq lazımdır.

Bəzən xanımların əl çantasına baxıb, onlara qiymət verirlər.

Bunlardan incəliklə, zövglə istifadə etmək lazımdır. Hər çantanın rəngini, dərisini, bər-bəzəyini xüsusi seçmək lazımdır.

Çanta xanımların ümumi görünüşünü, imicini  tamamlayan bir aksesuardır. Üstəlik çanta  xanımın duyğularını, hisslərini, həyat tərzini, xasiyyətini, nifrətini, sevgisini də  bildirir. Bir sözlə, xanımın kompleksini  tamamlayan əsas aksessuarlardan biridir.

Xanımlar çantaların içərisində nəinki öz qiymətli əşyalarını, hətta sirli dünyalarını belə daşıyırlar!

Qoy ömrün yollarında çantalar sizə, ən yaxın dost və rəfiqə olsun! Siz də, əziz xanımlar, çantalara sevgi ilə yanaşın!