XXl əsr. Daimi inkişaf davam edir. İqtisadiyyatın ölkədə inkişafı budcədə artım deməkdir. Özəlləşmə isə demək olarki, bütün sahələri cənginə alıb. Söhbətimiz tikinti sahəsindən gedəcək. Artıq məqalənin adının hər bir oxucuda eyni təsəvvür yaradacağı şüphə doğurmur. Ona görəki, tikinti sahəsində gözə çarpan xətalar məlumdur. Bu xətalara tikintilərin konstruksiyasında şahid olmaq olar. Təbii ki,bunu tikinti şirkətlərinin, daha doğrusu “özəl” tikinti şirkətlərinin cox az qisminə aid etmək olmaz.

Görəsən özəl rəhbərlərin belə tez bir zamanda özüdə keyfiyyətsiz, zəlzələyə davamlılığı az olan binalar tikmələri nə ilə əlaqədardır? Bəlkə şəhərimiz 11 ildir tektonik hərəkətə məruz qalmaması onları və onlara tikməyə icazə verən səlahyyətli orqanları arxayın salıb?

Bu məsələ tam dolğunluğu ilə geoloji yoxlamadan asılıdır. Məgər peşəkar geoloqlarımız yoxdur, məgər geoloqlar süxurlara bələd deyillər ki, bu binaların tikintisinin mümkün olub-olmadığımı söyləsinlər? Əslində bu sualların cavabı məndə şübhə yaradır.

Gəlin tarixə nəzər salaq: 2001-ci il noyabr ayı, paytaxtımız 6-7 bal gücündə zəlzələyə məruz qaldı, ancaq bir tikilidə belə dağıntı  hadisəsi baş vermədi. Hansı ki, bəzən pislədiyimiz SSRİ-nin 5 və ya 9 mərtəbəlibinaları idi o vaxtlar. Əsl keyfiyyət buna deyərəm.

Daha bir sual:Bu 11 il ərzində tikilən saysız binalar baş verə biləcək zəlzələ hadisəsinə hazırdırmı?

Bu sualın cavabı hadisə baş verdikdən sonra üzə çıxacaq.Təki mən yanılım.Amma şəhərdə gördüyüm bəzi tikililər sözün əsl mənasında evciklərə oxşayır.

Azərbaycan Milli Elmlər Akademiyasının seysmoloji xidmıt mərkəzinin seysmoloji və geodinamiki tədqiqatlar şöbəsinin müdiri, geologiya-mineralogiya  elmlər doktoru Tahir Məmmədli açıqlamasında bildirib: “9 ballıq seysmik ərazi olan Azərbaycan zəlzələ təhlükəsindən sığortalanmayıb və buna hər an hazır olmalıdır” Qarşı tərəf, yəni Xalid Nəcəfov bildirib ki, “layihələr özbaşına aparılmır. Hər hansı tikinti layihəsinə rəy alınır və dövlət memarlıq və tikintiyə dövlət nəzarəti müfəttişliyi şöbəsində tikintiyə icazə verilir”

Gözü pul, mal-dövlət, yüksək biznes gəliri ilə tutulan sahibkarlarımız etdikləri işi görmürlər. Bəziləri məni bu rəyimə görə qınaya bilər, amma kənardan baxanda eyvanın biri irəli,biri geri olan binanı görsələr bəlkə də mən qınamaqdan vaz keçərlər. Mən buna Bakının “Bakıxanov” qəsəbəsinin ətrafında şahid olmuşam. Adamın baxmağa ürəyi gəlmir.

Gündəlik ictimai-sosial hadisələri yayımlayan televiziya xəbərlərinin buraxılışlarında tez-tez yeni binaların yeni sakinlərinin şikayətləri əks olunur: qaz yoxdur, kanalizasiya sistemi işləmir və s. Yeganə gözəl iş tikilən yeni binaların çöl hissəsinin rənglənməsidir. Elə alıcı kütləsini də aldadıb özünə cəlb edən də budur.

Amma unutmamalıyıq ki, Abşeron yarımadası sürüşmə zonasıda yerləşir...